西貢灣仔日出迎新年

話說某人諗住去蚺蛇尖之巔到打邊爐迎接新一年…

個計劃好鬼有趣不過我地最終都係覺得未夠Level 挑戰住！

而且個日要番工，於是乎個計劃就變左西貢灣仔日出團

…哈哈

話說放工入到西貢都已經7點幾…唯有打的去海下！

去到重要行一條長長的小徑先到達灣仔南營地。

天都黑曬…要開電筒先睇到路…

＊＊＊

入到去都幾多人，左搵右搵先搵到個地方落腳起營 ，重聽到有d營友話係到住左十幾日！嘩，老兄，係到住咁正呀！

由於我地無咩煮食工具，所以買曬d野準備BBQ，好彩都叫重有個爐淨…唔係食風都似

不過唔知係咪買左d低溫炭，d 野燒勁耐先有得食！

呢個就係我地個營，淘寶買番黎百幾蚊人仔算係咁！3個人訓都算幾寬敞。

夜晚BBQ完就去左釣魚，不過就釣唔到魚…個原因係我地上唔到絲…枉我地重突登去鴨記買左2 set漁具。釣唔到就算數！開個鑵頭湯煮下宵夜，重放埋d 用唔著的魚餌, 死蝦, 落d湯去食埋佢。

煎多塊香噴噴的豬排，加少少啤酒…(謎之聲：喂！你識唔識嫁…)

第二朝一起身就已經白左天，shit，我地重要睇日出嫁bor

雖然天都光曬，不過都係沿著山路行，試下去南風角睇下日出！

好在天無絕人之路，睇唔到真日出，都睇到個假日出！因為咁岩有座島仔遮左個日出位！

日出都睇埋就再冇咩留戀，煮條魚食個早餐就走啦！

*是次旅程為筆者個人體驗，所提供之資訊及路線僅供參考，請勿依賴，謝謝！